Akademiya Haqqında

SAT ACADEMY satış işinə dərindən yiyələnmək, perspektivli işlə təmin olunmaq və uğurlu satış karyerası qurmaq istəyən gənclər üçün hazırlanmış unikal təhsil platformasıdır. Akademiyada təhsil alaraq siz həm özünüzü peşəkar satış adamına çevirəcək, həm də təhsil müddətinin sonunda gəlir imkanları yüksək olan işlə təmin olunacaqsınız.

Son illər Azərbaycan şirkətlərinin ən çox axtardığı və yaxşı gəlir vəd etdikləri mütəxəssislər məhz peşəkar satış mütəxəssisləridir. Lakin hələ ki bazarda bu böyük tələbatı qarşılayacaq sayda peşəkar satış mütəxəssisi yoxdur. Belə vəziyyət gənclər üçün gözəl imkan yaradır ki, bu peşəyə yiyələnərək özlərini həm maddi cəhətdən yüksək səviyyədə təmin etsinlər, həm də uğurlu iş karyerası qursunlar. SAT ACADEMY sizə satış işinin peşəkarına çevrilmək üçün gərəkən bütün bilik və təcrübəni verməyə hazırdır. 5 ay ərzində davam edəcək təhsil proqramı 52 praktiki təlimdən, qabaqcıl şirkətlərdə təcrübə günlərindən, peşəkar mütəxəssislərlə dərslərdən ibarətdir.

Təhsilin sonunda hər bir məzun işlə təmin olunacaq.
Təhsil müddətində daha yaxşı nəticələr göstərənlər daha yüksək gəlirli və perspektivli şirkətlərə transfer olunacaqlar.

SAT Academy vasitəsi ilə şirkətlər də axtardıqları satış adamını bizə müraciət edərək rahat tapacaqlar.

Həmin kadr həm yüksək ixtisasa sahib olacaq, həm də uzun müddətli işçiyə çevriləcək.

SAT ACADEMY kimlər üçündür

Perspektivli iş axtarışında
olan gənclər

Hazırda satış sahəsində çalışan və bu işin peşəkarı olmaq istəyən şəxslər

Şəxsi biznesini qurmaq istəyən və bunun üçün praktiki biznes təhsili almaq istəyənlər

Akademiyaya qəbul qaydası

1. SAT Group ofisinə qəbulla bağlı müraciət etmək

2. Yazılı imtahan və intervyu

3. Müqavilənin bağlanması

SAT ACADEMY – də təhsil.

SAT ACADEMY - də siz ölkəmizdə bənzəri olmayan praktiki təhsil almış olacaqsınız. 5 aylıq təhsil müddətində yalnız real iş həyatında gərəkli olan bilgilər verilir, satış bacarıqlarının formalaşması üçün xüsusi təlim və məşqlər həyata keçirilir.

Dərslər həftədə 3 dəfə olmaqla 19.00 – 21.00 arası keçirələcək. Təlimləri həm uğurlu iş təcrübəsi olan, həm də effektli təlim keçmək bacarıqları olan satış, marketinq və insan psixologiyası üzrə mütəxəssislər təqdim edəcəklər. Təhsil müddətində hazırda işləməyən tələbələrə qabaqcıl şirkətlərdə təcrübə keçmələri üçün şərait yaradılacaq.

SAT ACADEMY təhsil proqramı:

  • 1. Satış texnikaları
  • 2. Telefonla danışıqların aparılması texnikaları
  • 3. İnsan psixoloji tipləri
  • 4. Bədən dili
  • 5. Nitq təlimləri
  • 6. Satış sistemi
  • 7. Marketinq
  • 8. Etiket qaydaları
  • 9. Excell dərsləri
  • 10. Korporativ satış təlimləri
  • 11. CRM – müştərilərlə münasibətlərin idarə olunması
  • 12. Vaxt planlaması, işlərin planlaşdırılması
  • 13. Karyera planlaması
İşlə təminat

SAT ACADEMY-də təhsilin sonunda tələbələr attestasiyadan keçəcək və təhsil müddətində,
eləcə də yekun imtahanda göstərdikləri nəticələr əsasında mütəxəssis kateqoriyası (A, B, C) almış olacaqlar.
Sonra isə məzunlar aldıqları kateqoriyaya uyğun olaraq işlə təmin olunacaqlar.

Akademiyanı bitirmiş məzunlar işə başladıqları ilk ayda fərdi kouç (təlimatçı) ilə təmin olunacaqlar.
Təlimatçı yeni fəaliyyətə başlayan məzunumuza qısa müddətdə şirkətə uyğunlaşıb, satışda uğur qazanmasına yardım edəcək.

Copyright © 2017 SAT Academy. Bütün hüquqlar qorunur. Site by «OKmedia»